BUTUAN CITY – Nakuha sa Argentina ang kampeonato sa FIFA World Cup 2022 sa Qatar human gipildi ang France sa iskor nga 4-2 sa penalty shootout sa dula nga gipahigayon sa Lusail Stadium sa Qatar.
Sa unang katunga sa dula, gihawiran sa Argentina ang labaw 2-0 pinaagi sa ilang star player nga si Lionel Messi. ug pagsulod sa second half, wala nawad-an og paglaum ang ranked number 4 nga France human napasulod ni Kylan Mbappe ang sunod-sunod nga goal sa 80 ug 81 minutos rason nga nakuha ang 2-2 nga tabla batuk sa ranked number 3 nga Argentina.
Nahimong init ang bayloay sa depensa sa duha ka koponan hangtud nga natapos sa 2-2 ang unang 90 minutos.
Human usab ang extended nga 30 minutos natapos sa 3-3 draw ang dula rason sa gihimong penalty shootout kondiin unang napasulod ni Mbappe ang penalty shootout ug natabla ni Messi sa 1-1.
Sunod-sunod usab nga nababagan sa goal keeper sa Argentina ang penalty shootout sa France hangtud nga nakuha sa Argentina ang 4-2 ug hingpit na silang nagkampeon.
Kini na ang ikatulong kampeonato sa Argentina nga ang una niadtong 1978 sa dihang gipildi ang Holland sa score nga 3-1 ug niadtong 1986 humanusab gipildi ang Germany sa iskor nga 3-1.
