BUTUAN CITY – Andam sa kanunay ang faculty and staff sa Alviola Integrated School-Elementary kung ibalik na Hunyo ang school year 2024-2025.
Sa eksklusibong pakighinabi sa Bombo Radyo Butuan, gibutyag ni school principal Maria Ligaya Joyo nga nangandam na niini ang Department of Education kon DepEd-Butuan City Division ug naghulat na lang sila sa mamahimong feedback o kamanduan nga ipagawas.
Uyon siya sa maong sugyot ilabina nga pag-abot sa Abril ug Mayo nga ting-init, siguradong mahasol ang mga estudyante sa ka-init sa panahon tungod kay wala sila’y air conditioning unit.
Ang kinahanglan lang matud pa nga siguruhon mao ang insaktong transition ingon man training sa mga magtutudlo.
Samtang gikalipay usab sa inahang si Grace ang lakang sa DepEd nga ibalik na sa Hunyo ang school year aron mas ma-enjoy sa mga bata ang summer season human kini gisibog tungod sa COVID-19 pandemic.
Higayong mabalik na, ma-atiman matud pa sa mga ginikanan ang ilang mga anak gikan sa grabe ka-init sa panahon nga posibleng muresulta sa heat stroke.
