BUTUAN CITY – Nadugang sa Bombo Millionaire’s Club ang 42-anyos nga si Albert Bautista, residente sa 64, 14th Avenue, Brgy Socorro Murphy sa Quezon City, sa National Capital Region human nga siya ang nabunutan isip grand prize winner sa Swerte sa Palengke 2026 Balde-Baldeng Papremyo Na, May Cash Pa promo.
Iyang gigamit ang resibo sa Puregold isip proof of purchase ug siya na ang ika-82 nga milyunaryong membro sa Bombo Millioanires’ Club.
Samtang sa guaranteed prizes, napiling mananaog sa 25-mil pisos nga first prize si Revencia Gultiano, 65-anyos ug residente sa Purok 5, Lower Bonbon ning siyudad sa Butuan kondiin iyang gigamit ang taklbo sa Efficascent Oil isip proof of purchase.
Samtang ang 15-mil pisos nga ikaduhang ganti, napadulong kang Ada Lalaine Litera, 10-anyos nga taga-Purok 2, Upper Doongan ning siyudad sa Butuan kondiin ang putos sa Gardenia loaf bread maoy iyang gigamit nga proof of purchase ug ang 10-mil pisos nga ikatulong ganti, mapadulong kang Ericson de Villa, 39-anyos nga taga-Purok 6-C, Paradise, Brgy Libertad ning siyudad ug ang taklob sa San Miguel Beer maoy iyang proof of purchase.
