BUTUAN CITY – Gipadayag ni Australian Prime Minister Anthony Albanese nga usa ka artificial intelligence agent nga gihimo sa OpenAI ang nakasulod o naka-infiltrated sa usa ka statistics portal sa website sa ilang gobyerno.
Ang maong AI agent naka-pag-hack sa statistics portal nga adunay non-sensitive nga mga datos gikan sa universal healthcare scheme sa Australia nga gitawag og Medicare.
Sumala ni Albanese, nahitabo kini niadtong Hunyo, apan niadtong Agosto pa nasayran sa OpenAI ang maong insidente ug wala kini ipahibalo sa gobyerno sa Australia hangtod niadtong Septembre 10.
Gipadayag ni Albanese nga nakigpulong siya kang OpenAI CEO Sam Altman kondiin prangkang inistoryahay ang natigayon bahin sa maong insidente.
Samtang sigon sa OpenAI, wala’y gituohang patient records o personal nga rekord sa mga pasyente nga na-access sa maong hitabo.
Gi-imbestigahan na usab sa cybersecurity agency sa Australia ang maong breach, nga gihulagway ni Albanese nga dili madawat o unacceptable.
