BUTUAN CITY – Gisultihan ni United States President Donald Trump ang United Nations General Assembly nga nag-atubang siya og usa ka dakong desisyon, kung mu-atake ba pag-usab sa Iran o ipadayon ang paningkamot alang sa kasabutang pangkalinaw.
Ang iyang mga pahayag nahitabo sa usa ka adlaw nga puno sa taas-level nga diplomasya kondiin nakigkita siya sa kapin usa ka dosenang mga lider sa kalibotan samtang ang mga gubat sa Middle East ug Ukraine misukod sa iyang foreign policy agenda.
Gisugdan ni Trump ang iyang pakigpulong pinaagi sa pagpasigarbo sa iyang mga nahimo bahin sa ekonomiya, immigration, seguridad sa utlanan, ug pagpakunhod sa mga bayolenteng kremin.
Usa lang ka miyembro sa delegasyon sa Iran ang mitan-aw atol sa pakigpulong sa presidente kagahapon sa New York kondiin nasaksihan niini ang pagbutyag ni Trump nga mahimo niyang puohon ang Islamic Republic kung dili masulbad ang bangi.
Gisalikway usab ni Trump ang ideya sa global government ug misaad nga mutabang sa paghusay sa gubat tali sa Russia ug Ukraine, ug siguruhon nga ang Estados Unidos modaog sa lumba sa artificial intelligence.
ng iyang mga pulong, mas gitumong sa mga botante alang sa US midterm elections sa Nobyembre kaysa sa mga diplomats nga nanambong niini sa Manhattan.
Kadaghanan sa iyang pakigpulong iyang gigahin sa pagdepensa sa gubat batok sa Iran nga maoy hinungdan sa pagsaka sa presyo sa lana sa tibuok kalibotan ug naapektuhan usab ang iyang approval ratings sukad gisugdan sa US ug Israel ang ilang operasyon militar niadtong Pebrero.
Lahi ang tono ni Trump kumpara sa gipadayag ni UN Secretary-General António Guterres kinsa nagpasidaan sa nagkalalom ang pabagbahin-bahin sa kalibotan dayong klaro sa interdependence o ang kamatuoran nga nagsalig ug konektado ang katawhan sa tibuok kalibotan sa usa’g-usa.
