BUTUAN CITY- Gihatagan og pasidungog ni Senador Bam Aquino ang mga batang Pinoy Karatekas nga mingbida ug naghatag og dungog sa nasud gikan sa Tsina.
Kini human ang natigayong 3rd Asian Karate Youth Open Championship and Training Camp sa Hangzhou, China niadtong Hulyo 2026.
Sa Senate Resolution No. 580 nga gipasaka ni Sen. Bam Aquino, gi-ila ang talagsaong ‘performance’ sa delegasyon sa Pilipinas.
Lakip sa mga gi-ila ang 9-anyos nga si Romeo Viktor Enriquez, kinsa nakakab-ot og bulawang medalya ug nahuman sa Top 5 sa Under-10 Male Kata category.
Nakab-ot usab sa 13-anyos nga si Raphael Mariano Herrera, kauban ni Enriquez, ang ika-duhang sunod nga bronze medal sa Under-14 Male Kata, samtang Top 5 sa Under-12 Female Kata ug Top 7 sa Under-12 Female Kumite usab si Ripley Tate Borromeo.
Sumala ni Sen. Bam, nakatabang ang karate sa pagporma sa disiplina, paglahutay, pagmapa-ubsanon, kalig-on ug pagsalig sa kaugalingon sa mga kabataang Pinoy, dungan sa highayaong magmalampuson sa ‘international events’.
