BUTUAN CITY – Mihangyu ang Department of Agriculture (DA) og 250-bilyones pesos nga budget para sa 2027 aron mapakusog ang seguridad sa pagkaon, panginabuhian sa mga maguuma og mangingisda, ug kalig-on sa ekonomiya.
Sa Food Security Forum sa Makati, gibutyag ni Agriculture Secretary Francisco Tiu Laurel Jr. nga mikunhod ang ambag sa agrikultura sa gross domestic product (GDP) gikan sa 19% niadtong 2005 hangtud sa 7.9% paglabay sa duha ka dekada tungod sa dugay nang kakulangon sa pamuhunan sa sektor.
Sumala sa kalihim, ang sugyot nga budget mas taas kaysa P215 bilyon karung 2026 ug halos doble na kumpara sa P117 bilyon niadrong 2022.
Igahin kini sa farm mechanization, irigasyon, research, cold-chain facilities, digital infrastructure, ug post-harvest systems aron mapataas ang produksyon ug mapakunhod ang presyo sa pagkaon.
