BUTUAN CITY – Ang paggahin og 20 minutos sa kina-iyahan maghatag og dako nga kaayohan sa panglawas tungod kay makapakunhod kini sa stress hormone nga cortisol, makapahupay sa presyon sa dugo, apil na sa kasingkasing, ug makapalig-on sa immune system.
Kung mabatinimo nga mikalma ka kung magbaktas ka sa parke o kaha sa kakahuyan, dili na imong imahinasyon kondili mao kana ang biology.
Kini human migawas sa paggtuon nga ang 20-minutos nga pag-uban sa kina-iyahan, makapalig-on sa kasingkasing tungod kay mas hinay man ang imong heart rate ug mas maayo ang heart rate variability, kansa nagpasabot nga ang lawas mobalhin gikan sa “fight-or-flight” mode ngadto sa “rest-and-digest.”
Ang exposure ngadto sa phytoncides kansa mao ang natural compounds gikan sa kahoy ug tanom, makapadugang sa natural killer kon NK cells nga maoy mutabang pagbatok sa impeksyon ug cancerous cells.
Makahupay usab kini sa atong hunahuna tungod kay ang natural nga tingog ug talan-awon sama sa kahoy, langgam, dagat ug uban pa, makapahupay sa mental fatigue ug makapabaskog sa focus ug creativity.
Makapakunhod usab kini sa depresyon ug anxiety: Ang mga pagtuon nagpakita nga ang regular nga exposure sa green spaces makapaminus sa sintomas sa depression ug anxiety.
