BUTUAN CITY- Gibasura sa Korte Suprema sa Estados Unidos ang executive order ni US President Donald Trump kansa nagtinguha sa paglimite sa awtomatikong citizenship sa mga bata nga matawo sa US.
Sa 6 to 3 nga desisyon, gipadayon sa korte ang kapin 150 ka tuig nga legal nga prinsipyo nga naghatag og awtomatikong American citizenship sa mga bata nga natawo sulod sa nasud, subay sa ika-14 nga Amendment sa Konstitusyon.
Ang gisupak nga mando ni Trump nagtumong sa pagwagtang sa maong katungod alang sa mga bata nga ang mga ginikanan anaa sa US nga ilegal o adunay temporaryong visa, apan sigon sa mga kontra, kini supak sa Konstitusyon.
Tungod sa maong desisyon, halos wala nay ligal nga pamaagi alang sa presidente aron mabag-o ang maong dugay nang balaodnon nga prinsipyo.
