BUTUAN CITY – Dako ang pagkunhod sa gidaghanon sa mga batang mamumuo sa nasud, gikan sa 828,000 niadtong tuig 2022 ngadto sa 509,000 niadtong 2024, tungod sa mas gipakusog nga kampanya sa gobyerno batok sa child labor o pagpatrabaho sa mga bata.
Sumala sa Department of Labor and Employment (DOLE), resulta kini sa mas lig-on nga mga programa sa gobyerno ug sa kooperasyon sa nagkalain-laing sektor aron mapalayo ang mga bata gikan sa mapahimuslanong pagtrabaho ug masiguro nga magpabilin sila sa eskwelahan.
Dungan sa pagsaulog sa Independence Day kagahapon, nanawagan si Labor Secretary Francis Tolentino sa publiko nga mutabang sa pagmugna sa laing porma sa kagawasan alang sa kabatan-onan—ang kagawasan gikan sa child labor.
Giklaro sa kalihim, ang kamahinungdanon sa hini-usang paningkamot samtang nakig-uban ang Pilipinas sa pagsaulog sa World Day Against Child Labor 2026 ubos sa temang: “Red Card to Child Labor: Fair Play for Children, Decent Work for Adults.”
