BUTUAN CITY- Patay ang usa ka lalaki human gipusil sa mga ahente sa Federal Bureau of Investigation kon FBI sa Estados Unidos atol sa pagtapos sa 12 ka oras nga hostage standoff sulod sa usa ka building sa Bakersfield, California.
Sumala sa pulisya, ang suspek nagbarikada sa iyang kaugalingon uban ang pipila ka mga hostages sulod sa opisina nga adunay bank branch ug district school office, human una nga gitaho ang usa ka bomb threat sa maong lugar. Duha ka hostage ang nakagawas pinaagi sa negosasyon sa mga awtoridad, samtang ang ubang mga hostage iwit na nga nakagawas gani gihatagan gilayon ang mga niini og medikal nga pag-atiman.
Padayon pa karun ang imbestigasyon sa insidente, samtang wala pa gipahibalo sa mga awtoridad ang identidad ug motibo sa suspek.
