BUTUAN CITY – Miabot na sa Pilipinas ang 21,000 metric tons ng liquefied petroleum gas (LPG) nga gipalit sa gobyerno isip kabahin sa Emergency Energy Security Program sa Department of Energy (DOE).
Ang maong kargamento gikan sa Texas, United States ug bag-ohay lang midunggo sa terminal sa South Pacific Inc. sa Calaca.
Sumala sa DOE, ang LPG gipalit sa Philippine National Oil Company (PNOC) pinaagi sa commodity trader nga Trafigura Pte. Ltd. niadtong Abril 13, 2026.
Ang kargamento naglangkob og 50% refrigerated propane at 50% refrigerated butane , nga gituyo aron mapalig-on ang reserba sa sugnod sa nasod ug malikayan ang kakulang sa suplay panahon sa emerhensiya sa enerhiya.
Tungod sa pag-abot sa shipment, misaka na sa halos 42 ka adlaw ang nasudnong imbentaryo sa LPG sa Pilipinas, nga mas taas kaayo kumpara sa minimum nga kinahanglanon nga 7 ka adlaw.
Bisan pa niini, nagpabiling taas ang presyo sa LPG sa merkado tungod sa pag-usab-usab sa presyo sa kalibotang merkado.
Ang usa ka 11 ka kilong tangke sa LPG mokantidad na og kapin sa 1-mil 700 pesos.
