BUTUAN CITY – Nagpahigayon ang Russia og lapad nga nuclear exercises diin nagpalupad kini og nuclear-capable missiles ug nagpagawas og nuclear munitions sa pipila ka military units taliwa sa migrabeng tensyon sa NATO mahitungod sa giyera sa Ukraine.
Sumala sa taho, kapin 64-mil ka personahe ang miapil sa usa sa pinakadakong nuclear drills sa Russia sa mga nakalabay nga tuig.
Tumong niining sulayan ang kaandam sa ilang nuclear forces ugaling makabaton og agresyon batuk sa nasud.
Sa pamahayag ni Russian President Vladimir Putin, gibutyag niining ang paggamit sa nuclear weapons nagpabiling katapusan nilang opsyon apan gipamugos niining kinahanglang mapabiling lig-on ang nuclear capability sa Russia ug Belarus tungod sa midakong pangkalibutanong hulga.
Isip parte sa pagbansay, nag-test launch usab ang Russia sa nagkadaiyang missile lakip na ang Yars intercontinental ballistic missile, Zircon hypersonic missile, ug Sineva ballistic missile.
Gipakita usab sa militar ang pipila sa ilang nuclear submarines ug hypersonic missile systems.
Dungan niini, subling nagbayloay og halang nga pamahayag ang Russia ug pipila ka nasud nga kaalyado sa NATO sa Baltic region.
Giakusahan sa Moscow ang mga nasud nga Baltic nga gitugutam matud pa ang paggamit sa ilang airspace para sa drone attacks batuk sa Russia, butang nga gibalibad usab sa NATO.
