BUTUAN CITY – Dili matud pa mo-agi sa ordinary repatriation ang mga Pilipino gikan sa barkong nakitaan og hantavirus case.
Sigon ni Department of Migrant Workers (DMW) Sec. Hans Leo Cacdac, tungod kay misulod na ang World Health Organization ug uban pang international health agencies sa makuting pagsusi sa mga kaso sa hantavirus, kinahanglang musunod ang Philippine government sa mga ilatag nga health measures.
Lakip niini ang hugot nga health monitoring ug check up sa mga Pinoy, posibleng travel restriction, ug uban pang mamahimong ilatag sa WHO, lakip na lang konsiderasyon sa global health.
Pamugos ni Cacdac, dili kini usa ka ordinaryong welfare repatriation hinoon kinahanglan usab nga sundon ang national health measures sa nasud nga ilatag sa Department of Health.
Sa kasamtangan nagpabiling luwas ang 38 ka Pinoy, base na usab sa official report sa manning agency ug ship owner.
Mahinumdumang sa unang report sa Department of Health (DOH) gelayon nga na-quarantine ang mga crew sa cruise ship nga MV Hondius human makita ang hantavirus sag mga nakasakay sa nasangpit nga barko.
Sumala ni Cacdac, Ang DOH na usab ang bahalang magdesisyon kung kinahanglang i-quarantine ang mga 38 Pinoy kung hingpit na silang mapabalik sa Pilipinas.
