BUTUAN CITY- Gitugotan sa Estados Unidos ang Pilipinas sa pagpalit og lana gikan sa Russia ubos sa temporaryong authorization nga mo-expire sa Abril 11, sumala sa geopolitical observer nga si Denmark Suede.
Sigon pa niini, nga bisan pa sa nagpadayon nga oil sanctions batok sa Russia tungod sa Russian invasion of Ukraine, kinsa nagtugot dili lamang alang sa Pilipinas kondili lakip usab sa ubang nasud nga kaalyado sa US, apan limitado ra ang panahon ug sakop sa kasabutan. Kahinumduman nga sa administrasyon ni kanhi President Rodrigo Duterte, gipadayon niini ang plano sa pagpalit og 16 ka Russian helicopters bisan pa sa klarong pasidaan ilawom sa Countering America’s Adversaries Through Sanctions Act (CAATSA), kansa naghatag og gahum sa US sa pag-impose og silot lakip ang pag-withhold sa spare parts sa mga kaalyadong nasud nga mopadayon sa arms deal sa Russia, susama kini sa nahitabo sa Turkey nga natangtang sa F-35 program human sa pagpalit niini og S-400 missile system.
Gibutyag usab ni Suede, nga tungod niini, ang Pilipinas nakabayad og down payment nga mokabat sa $32 milyon o kapin ₱1 bilyon nga hangtod karon wala pa marefund, ug sa kasamtangan ginatan-aw sa gobyerno nga kung mosugot ang Russia, posible matud pa nga gamiton ang maong kantidad isip down payment sa pagpalit og lana aron mapahimuslan ang limitado nga authorization hangtod Abril 11 samtang gipadayon ang pagbalanse sa relasyon tali sa geopolitics ug enerhiya
