BUTUAN CITY – Nagdala karon og gitawag nga seismic result ang makasaysayanong eleksyon sa Nepal human nga ang upat ka tuig pa lang nga Rastriya Swatantra Party (RSP), nga gipangunahan ni rapper-turned-politician Balendra Shah, midaog sa imposible kaayong dual-election system politics sa ilang nasud kondiin iyang nakuha ang majority vote.
Nasalindot sa maong eleksyon ang political elite ug naguba ang pila ka tuig nang gibarugan nga power structures human naparot sa 35-anyos nga si Shah kinsa mas naila sa bansag nga Balen, si kanhi prime minister KP Sharma Oli – ang lingkuranan nga gikonsiderang dugay na niyang balwarte.
Padayon ang pagselebrar sa mga supporters ni Balen diha sa kadalanan dungan sa ilang pagpadayag nga gikapoy na sila sa pila ka dekadang pagpangurakot sa ilang kagamhanan ug sa political paralysis.
Ang ubang mga nasud nabalaka karon sa Nepal tungod sa kamatu-uran nga kulang pa sa kasinatian si Balen tungod kay lima katuig lang siyang nahimong mayor ug wala’y kasinatian sa pagpadagan sa nasud.
