BUTUAN CITY – Posibleng mosaka ang presyo sa gasolina, diesel ug kerosene sunod semana.
Sigon sa Department of Energy (DOE), wala na-apektuhan ang oil production sa Iran tungod kay wala’y nadaut nga pasilidad sa lana bisan pa sa tensyon tali sa Amerika ug Israel. Apan adunay kabalaka sa mga shipping operators nga nagdala og pagka-delay sa paghatod sa lana rason nga la-umang musaka ang presyo sa produktong petrolyo sugod ugma.
Sa pagbana-bana sa DOE, posibleng mosaka og $5 hangtod $10 kada bariles ang presyo sa lana sa kalibutan kansa bugti sa 30 sentabos kada litro sa matag $1 nga pagtaas.
Kung magpadayon kini, mabati sa mga konsumidor ang tibuok epekto sulod sa duha hangtod tulo ka semana.
Posibleng mu-abot og ₱3 kada litro ang dugang nga presyo nga makapabug-at sa gasto sa mga motorista ug mga panimalay.
