BUTUAN CITY- Gipasabot ni Dr. Maritess Custodio, Presidente sa Philippine Dermatological Society – Southern Philippine Chapter, nga ang leprosy o sangla adunay 1,500–2,000 ka kaso matag tuig sa Pilipinas.
Kini usa ka bacterial infection nga makaapekto sa panit ug nerves, ug kung dili dayon matambalan, magpadayon ang kadaot nga mahimong hinungdan sa pagkabinhud, pagkadaot sa panit, ug deformities.
Kasagaran makita kini nga puti nga patches sa panit nga wala nay pagbati. Ang sangla makatakod pinaagi sa droplets gikan sa infected person ngadto sa dili infected, apan dugay kini mugawas ug pwede molungtad og pipila ka tuig sa lawas sa tawo sa dili pa makita ang sintomas.
Makatakod lamang kini kung dugay nga magkauban ang infected ug himsog nga indibidwal. Apan sumala ni Dr. Custodio nga dili angay mabalaka tungod kay matambalan ang leprosy gamit ang antibiotics sulod sa 6–12 ka bulan, ug libre ang tambal nga makuha sa mga health centers sa nasud.
Importante usab nga masugdan dayon ang pagtambal kay sa higayon nga magsugod na kini, dili na makatakod ang leprosy ug ang pagpangusog sa atoang immune system.
