BUTUAN CITY – Nagka-initay sa debate sa Senado sila Senador Alan Peter Cayetano ug Senador Francis “Kiko” Pangilinan may kalabotan sa isyu sa West Philippine Sea (WPS).
Ang debate nahitabo atol sa interpellation sa Proposed Senate Resolution No. 256, nga nagkondena sa mga pamahayag sa Chinese Embassy batok sa mga opisyal sa gobyerno sa Pilipinas nga misaway sa agresibong lihok sa Beijing sa WPS.
Ang isyu nagsugod sa paggamit ni Philippine Coast Guard (PCG) spokesperson Commodore Jay Tarriela sa usa ka caricature nga nagpakita kang Chinese President Xi Jinping.
Gisaway ni Cayetano ang resolution tungod kay kini daw daw suporta matud pa sa gihimoni Tarriela, kansa alang kaniya sayop ug dili angay ipasa. Apan daling midepensa si Pangilinan dayong butyag nga ang resolusyon, pagpanalipod sa interes sa Pilipinas ug dili lang bahin sa caricature, kundili sa mas lapad nga isyu sa agresyon sa China.
Tungod sa ilang tinubagay, gisuspende sa makadiyot ni Senador Ping Lacson ang deliberation. Human sa debate, gipasa gihapon sa Senado ang Resolution No. 256 nga nagkondena sa mga pamahayag sa Chinese officials batok sa mga opisyal sa Pilipinas.
Ang insidente nagpakita sa lain-laing panglantaw sa mga senador kung unsaon pag-atubang sa China ug sa isyu sa West Philippine Sea.
