BUTUAN CITY- Kinahanglan matud pa nga ipublikar ang kahimtang sa panglawas sa Presidente aron mahatagan og katin-awan ug kasayuran ang katawhan kabahin sa kondisyon sa pinakataas nga lider sa nasud.
Sumala ni Atty. Sonny Matula, Chairperson sa Nagkaisa Labor Coalition, nga obligasyon sa Office of the President nga magpadayag sa tinuod nga sitwasyon sa panglawas sa ni President Ferdinand Marcos Jr., hilabi na nga pila na kini ka adlaw nga wala nagpakita sa publiko.
Sigon ni Matula, nga dili na kinahanglang pugson pa diin base sa Konstitusyon sa Pilipinas, partikular na sa Section 12, nga kung adunay seryosong sakit ang Presidente, kinahanglan ipahibalo kini sa katawhan ug ipadayag ang kahimtang.
Gibutyag usab niini, nga ang mga miyembro sa gabinete, ilabi na kadtong nagdumala sa national security, dili angay nga i-deny ang ilang access sa Presidente kung adunay seryosong isyu sa panglawas, tungod kay kini usa ka kritikal nga butang alang sa kalig-on ug seguridad sa Pilipinas
