BUTUAN CITY – Anaa na karon sa blue alert status ang Office of the Civil Defense kon OCD-Caraga subay sa padayong pagkuso-kuso sa bagyong Ada nga katapusang nasigpatan kaganinang buntag sa sidlakang bahin sa Surigao City.
Sigon ni Ronald Anthony Briol, tigpamaba sa maong buhatan, tumong niini nga mapangandaman pa og maayo sa mga hingtungdang ahensya sa gobyerno ang posibleng epektong hatud sa nasangpit nga bagyo.
Apil sa nag-isa na sa blue alert status ang mga lalawigan sa Surigao del Norte, Surigao del Sur ug Dinagat Islands province.
Apan bisan pa man niini, wala pa sila’y nadawat nga report kalabot sa mga posibleng namakwit na nga mga pamilya dayong pahimangno nga maminaw ug musunod ang tanan sa mga abisong ipagawas sa mga hingtungdang ahensya sa gobyerno alang sa kaluwasan sa tanan.
