BUTUAN CITY – Gi-acknowledge sa Bureau of Fire Protection acknowledges ang pamahayag ni Department of Interior and Local Government kon DILG Secretary Jonvic Remulla kalabot sa alegasyong kurapsyon sulod sa ahensya kansa hagit matud pa aron paspasan ang ilang internal cleansing ug nagpadayong modernization efforts.
Gipaniguro sa BFP ngadto sa publiko nga ila na kining gi-aksyunan dungan sa pag-adaptar matud pa sa zero-tolerance stance batuk sa kurapsyon.
Hugot nga gibarugan sa BFP ang ilang commitment ngadto sa transparent ug equitable hiring practices.
Pinaagi matud pa sa ilang ‘Oplan Santindig,’ aktibo nilang gipatuman ang anti-extortion campaign nga nag-target sa recruitment, promotions ug transfers uban sa ilang koordinasyon sa Philippine National Police (PNP) aron imbestigahan ang mga iregularidad.
Isip resulta, pipila na ka mga indibidwal ang nasikop tungod sa alegasyong extortion ingon man pagpangayo og bayad sulod sa ahensya dungan sa pagklaro nga ang ilang internal cleansing, operational ug nagsilot sa mga offenders bisan unsa pa ang ilang affiliation.
Gipatuman usab sa BFP ang electronic Fire Safety Inspection Certificate System (eFSIC) aron pagbungkag sa mga higayon nga mahimong dalan sa kurapsyon diha sa ilang frontline services.
Kini nga programa, maghatag sa mga business owners og mas paspas ingon man mas transparent application kondiin pinaagi sa online application, payment ug release, maminusan sa maong sistema ang physical contact ug discretionary power ingon man ang tsansa sa extortion sama sa gitawag nga “tongpats.”
Sukad matud pa sa implementasyon niini niadtong tuig 2024, mi-abante na ang maong sistema ug karon nakaserbisyo na isip usa ka digital deterrent batuk sa kurapsyon.
Aminado usab ang ahensya nga dugang trabaho pa ang kinahanglanon dungan sa pagbutyag nga andam silang makigkita sa kalihim aron hisgutan ug matubag ang dugay na nga mga isyu.
Dawat usab sa BFP ang pagsaway ug paggiya sa kalihim tungod kay mahinungdanon matud pa kini aron masiguro ang ka-epektibo ug paghatag sa ilang mga mandato alang sa maayong serbisyo publiko.
Pabilin usab silang komitido sa ilang panglantaw alang sa usa ka moderno ug kasaligang fire service, ug padayong pagserbisyo sa mga Filipinos nga duna’y dignidad nga angay kanila.
