BUTUAN CITY – Sa edad nga 38-anyos, hingpit nang miretiro si American boxer Terence “Bud” Crawford human ang makasaysayan niyang kada-ugan batuk kang Saul “Canelo” Alvarez niadtong Septembre 13 ning tuiga.
Iya kining gi-anunsyo sa iyang social media account kondiin limpyong record ang iyang legasiyang gibilin tungod sa kawala niya’y pildi sa 42 niya ka mga away ug lima ka mga weight divisions ang iyang nadag-an kondiin sa pinaka-ulahi niyang away batuk kang Canelo Alvarez sa Las Vegas, nahimo siyang undisputed super middleweight champion.
Gipadayag ni Crawford nga wala na siya’y angayang pamatud-an sa boksing ug iyang kaugalingong desisyon ang pagretiro samtang anaa pa siya sa kinapungkayan sa iyang boxing career.
Nasayrang usa si Crawford sa pinakabayaning boksingero sa iyang henerasyon, na-ila sa iyang teknikal nga abilidad ug iaiapas pag-adjust sa away.
Apil sa iyang gipildi sila Errol Spence Jr., Shawn Porter, Amir Khan, ug si Canelo Alvarez ug ang iyang perpektong record ug multi-division championships maoy nagbutang kaniya sa han-ay sa mga boxing legends.
