BUTUAN CITY – Nagpadayon ang pag-apod-apod og mga ayuda sa Department Of Social Welfare and Development kon DSWD Caraga ngadto sa mga pamilyang apektado ni Bagyong Tino.
Kini bisan paman nga lakip usab ang ilang mga personahe sa Surigao Del Norte og Dinagat Islands provinces sa mga apektado rasong gi-augment niini ang mga personahe sa regional office pinaagi sa Regional Quick Response Team.
Sigon ni Eva Mytha Banzon, Disaster Response Information Officer sa DSWD-Caraga, kagahapon pa nila gitugot ang pag-apod-apod sa family food packs human nilurang na kabangis ni bagyong Tino. Gani, halos tanang local government units sa Dinagat Island ang nag-request na og suporta sa ilang regional office.
Sa Sta. Fe, Dapa Surigao Del Norte, nahatud na ang 90 ka family food packs sa apektadong pamilya samtang 942 ngadto sa mga pamilya sa Dinagat island; 1,000 sa San Jose samtang 1,052 sa island Barangay sa Surigao City nga dugang lang sa una nang 755 ka family food packs sa maong dakbayan.
Sa Butuan City, miabot sa 1, 561 ka family food packs usab ang nahatud kauban ang City Social Welfare nd Development.
Apan ang labing gipasalamat lang sa opisyal mao nga luwas ang ilang mga personahe diin duna lay kakulian sa pag-transpot sa mga goods human ang pagbaha sa Tubay, Agusan Del Norte apan malampuson gihapon kining nakaabot sa ilang destinasyon.
