BUTUAN CITY – Hingpit nang napasakaan og kasong murder sa kapulisan ang usa ka lalaki pinaagi sa inquest proceedings human niini gitigbas ug giluba-patay ang iyang ka-ipon niadtong Sabado sa gabii sa may national highway sakop sa Brgy. Matabao, lungsod sa Buenavista, Agusan del Norte.
Wala na matabang pa ang 36-anyos nga biktimang si alyas Maymay human kini gitigbas sa 48-anyos nga si alyas Buloy, pulos residente sa Purok 2, sakop sa maong barangay. Ang mga samad-tinigbasan sa ulo, likod, tangkugo, buikton ungon man linubaan sa walang bahin sa iyang lawas, ang hinungdan nga wala na mabuhi pa ang biktima.
Mitago pa ang suspetsado sa usa ka tindahan rason nga alas-12:30 na sa tungang gabii kini nadakpan sa kapulisan kinsa gipabantayan og maayo tungod sa bahad niining magkutlo sa iyang kaugalingong kinabuhi.
