BUTUAN CITY – Usa ang patay samtang laing usa ang angol sa panagbangga sa usa ka motorsiklo ug sa usa ka sports utility vehicle kon SUV kaganinang alas-12:05 sa kaadlawon sa national highway partikular sa tulay nga bahin sa Purok 2, Brgy. Ampayon ning siyudad sa Butuan City.
Gidala pa sa Butuan Medical Center ang driver sa motorsiklo nga si Joselito Manayaga Diaman, 3-anyos, ulitawo, residente sa P-1, Brgy. De Oro, ning siyudad apan paglabay sa usa ka oras, nakabsan gihapon kini sa iyang kinabuhi.
Samtang ang angkas niining si Antonio Bernaldez Abao, 59-anyos, minyo ug residente sa P-6, Brgy. Comagascas, Cabadbaran City, naka-angkon lang og minor injury.
Sigon ni PCaptain Dennis Bon, officer-in-charge sa Butuan City Police Station 4, nagsubay sa managlahing direksyon ang duha ka sakyanan apan pag-abot sa dapit nga nahitabuan, kalit nga mitabok sa lane sa motorsiklo ang SUV hinungdan sa head-on collision.
Tungod sa kakusog sa impact, parehong nadamyos ang duha ka sakyanan nga miresulta sa daghang injuries sa lawas nga na-angkon ni Diaman nga maoy hinungdan sa iyang kamatayon.
