Pamilya Magsayo dismayado sa kapildihan ni Mark ‘Magnifico’ kang Rey Vargas

BUTUAN CITY – Disyamado ang pamilya Magsayo sa Tagbilaran City sa Bohol sa kaparutan ni Mark ‘Magnifico’ Magsayo batuk kang challenger Rey Vargas.

Sa eksklusibong pakighinabi sa Bombo Radyo Butuan sa amahan ni Magnifico nga si Joseph Magsayo, gibutyag niining gitu-uhan nilang ang iyang anak na ang ideklarang mananaog human niini na-knockdown sa ikasiyam nga round ang Mexican-American boxer apan wala matud pa sila’y mahimo kondili dawaton ang hukom sa mga hurado nga mipadaug sa challenger nga wala man lang matud pa mipalukapa sa iyang anak.

Una na matud pang misaad kanila si Mark nga depensahan ang iyang bakus tungod sa tinguha niining maka-agbat pa ang ubang mga iladong boksidor diha sa iyang timbang.