BUTUAN CITY – Gibana-banang mukabat sa dul-an 700-mil pesos nga kantidad sa gidudahang 100-gramos nga suspected shabu ang nakumpiska gikan nila Jimmy Negosa ug Joy Aranto sa malampusong buy bust operations nga gihimo sa mga sakop sa Philippine Drug Enforcement Agency kon PDEA-Caraga Regional Office, Provincial Intelligence Unit sa Agusan del Sur Provincial Office ug Bayugan City Police Station didto sa Purok 4, Brgy. Fili, Bayugan City pasado alas-7:20 kagabii.
Nakumpiska usab gikan sa ilang posisyon ang ubay-ubay nga mga drug paraphernalia, buy-bust money, ID cards, ledger, ug mga money transfer receipts.
Sa eksklusibong pakighinabi sa Bombo Radyo Butuan, gipadayag ni PDEA-Caraga spokesman Dindo Abellanosa, nga modus na suspek ang pagbatak og tag-pila ka sachet sa shabu ug gi-andam na nila ang mga kasong ipasaka batuk sa mga suspek may kalabutan sa Republic Act 9165 ngadto sa City Prosecutor’s Office sa Bayugan.
