BUTUAN CITY – Gibana-banang dili mu-ubos sa 200,000 pesos ang kinatibuk-ang damyos sa natigayong sunog kagahapon sa alas-6:05 sa sayong buntag sa upat ka mga classrooms ug achool canteen sa San Francisco Pilot Central Elementary School kon SFPCES sa lungsod sa San Francisco, Agusan del Sur.
Sa eksklusibong pakighinabi sa Bombo Radyo Butuan, gibutyag ni FO2 Gregor Palamani sa BFP-Agusan del Sur nga mitawag kanila ang school principal aron magpakitabang sa nahitabong sunog sa ilang eskwelahan hinungdan sa ilang dali nga pagresponde.
Gika-ingong duna’y nag-spark diha sa computer laboratory ug dinhi na nagsugod ang kalayo kansa daling mikaylap tungod sa kakaraan na sa eskwelahan nga gama sa kahoy ug pasado alas-6:50 na sa buntag nila nadeklara ang fire out.
Gani gipasalamat usab sa administrasyon sa maong eskwelahan nga walay casualties hinoon mga importanteng gamit lamang ang nasunog kondiin sa Science Club puno matud pa kini sa mga microscopes samtamg amg lang computer laboratory puno usab sa mga computer units.
