BUTUAN CITY – Temporaryong gisira sugod kaganina, Septembre 15, ang Sangguniang Panlungsod building ning siyudad sa Butuan isip containment zoning strategy batuk COVID-19.
Kini aron ma-disinfect ang mga opisina ilabina sa mga konsehal human nga duna’y pipila ka mga empleyado ang nagpositibo sa COVID-19 gawas pa sa pag-contain og paspas nga pag-trace sa mga tawong duna’y close contact sa mga epleyadong nagpositibo sa coronavirus.
Tungod niini, gibutyag ni Michiko de Jesus, tigpamaba sa Butuan City government sa eksklusibong pakighinabi sa Bombo Radyo Butuan, i-adaptar una sa mga empleyado sa SP building ang work-from-home scheme sulod sa 14 ka mga adlaw.
Tungod usab niini, gitambagan ang mga duna’y transksyon sa mga buhatan sulod sa SP Building nga mutawag lang una sa mga hingtungdang konsehal aron ma-facilitate ang ilang katuyuan.
