Mga tanod sa Brgy. Limaha, hatagan og P200 sa matag-health protocol violator nga ilang madakpan

BUTUAN CITY – Maghatag og 200-pesos nga reward ang konseho sa Barangay Limaha ning siyudad sa Butuan ngadto sa ilang mga barangay tanod nga makadakop og usa ka residenteng misupak sa mga health protocols.

Sa eksklusibong pakighinabi sa Bombo Radyo Butuan gipadayag ni Kapitan John Benjamin Rosales, nga nag-amot-amot sila aron makahatag ngadto sa ilang tanod nga masakpang milapas sa patakaran susama na lamang sa dili pagsoot og facemask ug face shield, wala pagsunod sa social distancing, minor-de-edad nga mugawas, paggawas atol sa curfew hour ug uban pa.

Nasayran nga lakip ang Barangay Limaha sa Top 10 Barangay nga dunay pinakadaghang kaso sa Covid-19 sa Butuan City.