BUTUAN CITY – Padayon ang hugot nga koordinasyon karon sa Department of Health kon DOH-Caraga ngadto sa mga hingtungdang local government units ug ubang mga concerned agencies alang sa himuong contact tracing.
Kini human gikumpirma sa DOH-Caraga sa ilang situational report no. 108 ang ilang ang tulo ka bag-ong kumpirmadong kaso sa COVID-19 nga natala sa mga Returning Overseas Filipinos (ROFs) ug Locally Stranded Individuals (LSIs) nga mi-abot sa rehiyon niadtong Mayo 26.
Ang unang kaso, usa ka 26 anyos nga edarang lalaki gikan sa Butuan City, samtang ang ikaduha ug ikatulo mao ang 41 anyos ug 37-anyos nga mga edarang lalaking parehong gikan sa Agusan del Sur kinsa parehong wala magpakita og bisan unsang sintoms sa COVID-19.
Ang duha ka nga Returning Overseas Filipinos (ROFs) mipa-ilalom sa baseline RT-PCR test alang sa COVID-19 niadtong Mayo 3 hangtod 10 didto sa Metro Manila kondiin sunod-sunod nga nagnegatibo ang resulta.
Samtang laing 20 ka mga suspect cases nga mga Caraganonas ang nagnegatibo sa ilang RT-PCR test results kondiin mipahigayon na og follow-up test alang sa ikalimang positive case, unom ka mga suspect cases ug 13 ka mga probable cases.
