BUTUAN CITY – Gikumpirma ni May Diez – tigpamaba sa Butuan City government nga duna’y pito ka mga ‘Patients Under Investigation’ kon PUIs dinhi sa siyudad apan usa na kanila ang nakumpirmang negatibo sa Coronavirus Disease 2019 kon COVID-19.
Ang maong mga kaso natala sa mga barangay sa Bancasi, Bayanihan, Libertad, Maon, Dagohoy, Villa Kananga ug Mahogany.
Sa eksklusibong pakighinabi sa Bombo Radyo Butuan, gipadayag sa opisyal nga sa kasamtangan, duna na’y natalang 692 ka mga ‘Persons Under Monitoring’ ang City Health Office kondiin 157 sa maong ihap ang cleared na human nga wala magpakita og mga simtomas sa makamatay nga sakit samtang mipa-ilalom sa 14 ka adlaw nga self-quarantine.
Ang nahabiling 535 mao karon ang padayong hugot nga gi-monitor ang ilang panglawas aron masiguro kung duna sila’y mga simtomas sa COVID-19. Sa Purok Silangan, Brgy Agusan Pequeño ning siyudad.
Gidugang pa ni Diez nga nakagawas na gikan sa Butuan Medical Center ang usa ka Intsik nga gikonsiderang PUM human nasubay nga gikan kini sa China.
Kini tungod kay wala siya magpakita og mga simtomas sa coronavirus bisan og duna siya’y travel history sa maong nasud.
Migawas matud pa sa ilang pagpanubay nga duha ka buwan na kining nakabiya sa ilang nasud adiser naka-abot sa Pilipinas partikualr sa Manila lahos na sa Cebu hangtud nga dinhi na siya sa Butuan na-hold og gi-quarantine.
