BUTUAN CITY – Naghagodhod karun sa buhatan sa Criminal Investigation and Detection Group kon CIDG-Caraga ang mga biktima sa bag-ong misulpot nga investment scam ning siyudad sa Butuan.
Sa pakighinabi sa Bombo Radyo Butuan, gibutyag ni Lt. Col. Cholijun Caduyac, Regional Director sa CIDG-Caraga, gibutyag niining muabot na sa 50 ka biktima ang mireklamo sukad kagahapong adlawa human nabiktima sa investment scam nga gihimong pangdani ang beauty product.
Sa karun gipangeta na usab ang gitudlong mga suspetsado nga si Maria Jorge Tecson Plaza og kapuyo niini nga usa ka sundalo.
Samtang gikustudiya na usab sa buhatan ang assistant nga si alyas Cindy.
Nagsugod matud pa kini niadtong Pebrero 2019 diin duna silay opisina sa Barangay Obrero ning siyudad og dunay branch sa Iligan City.
Nagtanyag matud pa og 40 porsiento nga interest matag-bulan sa e-pay-in sa maong investment scam.
Samtang Gisaysay sa wala na nagpailang biktima sa maong investment scam nga dunay gibaligya nga beauty product ang suspetsado nga si Plaza rasong ang mga biktima niini halos mga re-seller og supplier.
Sumala pa niini sa eksklusibong pakighinabi sa Bombo Radyo Butuan, walay ngalan ang maong investment scam.
Dunay misabay kaniya sa pagpay-in rasong miabot sa 500-mil pesos ang ilang na-invest.
Ang assistant lang nga si Cindy matud pa ang modawat sa ilang kwarta.
Niadtong Oktobre 21 sa dihang wala na mag-release sa interest si Ms. Plaza sa rasong wala na matud pay pondo.
Milarga kini sa Cebu og sa pagbalik, nakig-meeting sa mga investors aron euli ang ilang kwarta nga walay tubo.
Himoon matud pa ang pagpang-uli sa kwarta human sa kalag-kalag apan Nobyembre 4 sa dihang nahibal-an nilang misulay sa pagpakamatay si Plaza tungod sa depresyon rasong nalandig kini sa ospital sa Cagayan de oro City.
Ang problema kay dili na nila makita ang suspetsado og dili na usab makontak tungod kay gibawalan matud pa kini sa doctor nga makahawid og cellphone.
Sa karun, gusto sa biktima nga mauli ang ilang kwarta bisan kadto lang matud pang na-invest sa iyang mga higala nga misabay kaniya.
