BUTUAN CITY – Target sa Department of Health kon DOH-Caraga nga matupukan ang 95-porsiento sa mga grade 1 pupils ug grade 7 students sa tanang pampublikong tunghaan ning rehiyon sa Caraga batuk sa mga sakit nga mahimong malikayan kung mabakunahan, sama sa tipdas, rubella, tetanus, diphtheria.
KIni gawas pa sa laing 90-porsiento sa mga grade-4 pupils nga mga babaye nga bakunahan usab batuk sa human papillomavirus (HPV) aron malikay sila gikan sa cervical cancer. Kini subay na sa paglusad sa Department of Health ug sa Department of Education sa Bakuna Eskwela nga mulungtad hangtud sunod buwan.
Sa eksklusibong pakighinabi ning sibyahan, gibutyag ni Dr. Dayan Decampong Sangcupan, medical officer 4 sa Department of Health-Caraga nga dili bag-o maong programa tungod kay daan na kining gipatuman niadtong tuig 2017 ug nahunong lang atol sa COVID-19 pandemic.
Sigon sa opisyal, importante kini aron malikay ang mga school-age children batuk sa maong mga sakit.
Si Dr. Dayan Decampong Sangcupan, medical officer 4 sa Department of Health Caraga.
