BUTUAN CITY – Gipahayag ni Interior Secretary Jonvic Remulla nga nasigpatan matud pa sa Cavite ang puganteng negosyanteng si Atong Ang.
Sigon ni Remulla nga gelayong mihimo og operasyon ang kapin 400 ka ginsakpan sa Criminal Investigation and Detection Group o CIDG human makadawat og impormasyon mahitungod sa nahimutangan ni Ang.
Sumala ni Remulla, paspas nga milihok ang mga awtoridad apan nakasibat si Ang adiser sila miabot sa lugar.
Si Ang nag-atubang sa kasong multiple counts sa kidnapping with homicide ug kidnapping and serious illegal detention mahitungod sa kaso sa mga nawalang sabungero.
Mahinumdumang nagpagawas na usab og Interpol red notice batuk kang Ang niadtong Abril, nga nagpasabot nga gipangayu sa mga law enforcement agencies sa nagkadaiyang nasud nga pangetaon ug arestuhon kini.
Dunay nakagahin usab nga 20 milyones pesos nga reward alang sa bisan kinsang makahatag og impormasyon nga magtudlo sa iyang nahimutangan.
Padayon usab ang gihimong manhunt operation sa mga awtoridad batuk sa negosyante.
