BUTUAN CITY – Mitambong sa plenary session sa Kamara de Representantes si kanhi House Speaker Martin Romualdez bisan pa sa nagpadayon nga isyu may kalabutan sa anumalusong flood control project.
Nakita si Romualdez nga aktibong mi-apil sa sesyon kondiin gitimbaya siya sa pipila ka ka-ubanang magbabalaod sulod sa plenary hall.
Bisan pa sa iyang gi-atubang nga isyu, usa sa mga nag-unang balaod nga iyang gipangamahanan mao ang House Bill 8466 o mas nailang National Land Use Act, nga na-aprubahan na sa ikatulo ug katapusang pagbasa sa Kamara.
Tumong niini ang paghimo og usa ka komprehensibong plano sa paggamit sa yuta sa nasud aron mapalig-on ang food security, mapaayo ang disaster preparedness, ug masulbad ang mga problema sa pinuy-anan ug imprastraktura.
Sumala ni Romualdez, ang sugyot usa ka reporma aron mahi-usa ang nagkalain-lain ug usahay nagkasumpaki nga polisiya sa land use sa nagkada-iyang sektor.
