BUTUAN CITY – Gipatuman sa Department of Agriculture (DA) ang temporaryong pagbawal sa pag-angkat sa bushing mananap og pipila ka animal products gikan sa Greece human makumpirma ang mga kaso sa foot-and-mouth disease (FMD) sa mga binuhing karnero sa Lesvos niadtong nakalabay nga buwan.
Sa ilalom sa Department Circular 20, gisuspinde usab sa DA ang pagpagawas og sanitary ug phytosanitary import clearances para sa mga apektadong produkto ug gimandu ang mas hugot nga inspeksyon sa tanang pantalan sa nasud.
Lakip sa mga produktong sakop sa ban ang skeletal muscle meat, live swine, bovines, ug untreated milk.
Bisan paman niini, gitugutan pa gihapon ang pagpasulod sa pipila ka processed goods nga gikonsidera nga “safe commodities” base sa international standards, basta musunod sa hugot nga kondisyon.
Mamahimo gihapong tugutang makasulod sa nasud ang mga shipment nga napadala adiser pa man mahimong epektibo ang circular, kung ang mga niini na-produce o naihaw adiser ang Pebrero 28 ug musunod sa nagtunhay nga guidelines.
Ang mga shipment nga dili musunod sa patakaran kumpiskahon o ipailalom sa tukmang aksyon sumala sa balaod.
Sigon ni Agriculture Secretary Francisco Tiu Laurel Jr., mahinungdanong lakang ang nasangpit nga circular aron maprotektahan ang nasud batuk sa posibleng epekto sa sakit.
