BUTUAN CITY- Gibutyag ni Ka Boom kanhi miyembro sa New People’s Army kon NPA nga kamatayon ni alyas Bong Wako usa ka miyembro ug opisyal sa walhong grupo nga New People’s Army (NPA) atol sa engkwentro batok sa Philippine Army niadtong miaging adlaw, timaan nga wala na ganahi ang katawhang Pilipino sa maong grupo.
Sumala pa niini, nga bisan paman sa pagkawala ni Bong Wako daghan pa gihapoy nabiling mga dagkong opisyal nga naglihok sa NPA tungod adunay mga langaw nga nagsuporta sa mga niini, gani ang ubang mga dagkong rango ming-surrender og hilom ug ang uban nangamatay nalang. Bisan pa sa pagkawala sa lider, matud ni Ka Boom nga dili kini angayang kompyansahan tungod aduna pa gihapoy mga kaubanan ug mga babaye nga dagkong rango nga sakop ni Maria Malaya, kansa giila nga pinakadako nga lider sa han-ay sa kababayen-an sa NPA.
Si Bong Wako giingong nag-operate dili lang sa Caraga Region apan sa tibuok Pilipinas, tungod sa dihang nagsugod pa kini sa Bislig, daghan knig na-angkon nga accomplishment nga nakapadako sa iyang rango hangtod nahimong usa sa mga lider sa nasudnong lebel.
