BUTUAN CITY – Unom ka tawo ang namatay tungod sa pagpamusil sa usa ka sentro para sa mga inahan ug mga bata, sumala sa German police.
Ang mga biktima — upat ka babaye ug duha ka lalaki — tanan staff sa pasilidad sa siyudad sa Stade, duol sa Hamburg ug aduna pa’y uban nga nasamdan.
Ang tulo ka bulan nga bata ug ang inahan niini anaa sa opisina sa panahon sa insidente apan wala masamdan.
Ang suspetsado nga 45-anyos nga Turkish national nga maoy mipusil sa mga biktima sa panahon sa appointment bahin sa kustodiya sa iyang anak nga babaye.
Nailhan siya sa kapulisan tungod sa mga hulga, apan wala gi-isip nga bayolente ug nasuta nga wala usab siya’y lisensya sa armas. Tulo ka tawo lakip na ang suspetsado ang gidakop sa kapulisan ug sa kasamtangan, wala nay hulga sa publiko.
