BUTUAN CITY – Gipadayag ni Bombo international correspondent to the United States of America Ferdie Nakila, nga masak-sihan sa mga bag-ong tubo ang paghandom sa ika-25 nga anibersaryo sa 9/11 terror attacks nga gihimo sa teroristang grupong Al Qaeda ngadto sa managlahing lugar sa Amerika.
Kini aron ilang masayran ang kinatibuk-ang panghitabo ug kung kinsa ang responsable niini ug unsa na ang nahitabo sa maong grupo, pila ka tuig human ang maong pagpangatake.
Sa eksklusibong pakighinabi sa Bombo Radyo Butuan, gipadayag sa Cabadbaranong si Nakila nga human sa maong pagpangatake nga mikalas og libuang mga kinabuhi samtang laing libuan usab ang missing, daghan ang mga dagkong ka-usaban ang gipatuman ilabina sa mga tugpahanan.
Anaa pa ang mitumaw nga kasilag tali sa katawhan sa Estados Unidos ug sa katawhan nga anaa sa Middle East.
Karong 25 ka mga tuig na ang milabay human sa maong pag-atake, namatikdan nga daw inanay nang mibalik ang senaryo kaniadto tungod sa bangi na usab karon sa Estados Unidos tali sa Iran nga naka-apekto na usab sa ubang mga nasud sa tunga-tungang sidlakan.
Gani, ang racial discrimination nga nasinatian kaniadto sa mga Arabs, daw mibalik na usab karon tungod sa mga pulitikanhong interest nga masabot nga daw wala matud pa maleksyon ang Estados Unidos sa mga nahitabo.
