BUTUAN CITY- Patay ang lima ka tao sa sunod-sunod nga air strikes ug drone attacks sa Israel sa Southern Lebanon kagahapon Sabado, Hunyo 20, pila ka oras lang human maimong epektibo ang hunong-buto tali sa Israel ug sa grupong Hezbollah.
Base sa taho sa Lebanese state media, naglusad ang Israeli warplanes ug drones sa mga pag-atake sa Nabatieh area sukad niadtong Biyernes sa gabie hangtud sa sayong kabuntagon kagahapon Sabado.
Nadaot sa mga pagpamomba ang mga residential building ug mga kababayan. Mingbuhi usab og artillery fire ang Israel sa Nabatieh ug sa mga silingang lugar niini.
Kahinumduman niadtong Biyernes nagkasabot ang Israel ug Hezbollah sa usa ka ceasefire human sa grabing panagbangi sa Lebanon. Gikomperma usab sa usa ka senior Israeli official ug duha ka Hezbollah sources ang kasabotan nga opisyal nang nahimong epektibo alas-4:00 sa hapon kagahapon.
