-- ADVERTISEMENT --
BUTUAN CITY – Gi-andam na ang mga dokumento apil na ang mga ebidensyang gamiton sa pagpasaka og kaso batuk sa duha ka mga indibidwal nga nakuhaan og mga items atol sa gipahigayong buy-bust operation pasado alas-11:15 kagabii sa Purok Almasiga, Brgy. Pangabugan ning siyudad sa Butuan.
Nakuha gikan sa posisyon nila Jayson Peras ug Ker Sachez ang siyam ka selyadong sachets sa suspected shabu; usa ka tinuod nga 1,000-peso bill ug unom ka mga boodle money; duha ka lighter nga wala’y flame guard ug duha ka cell phones.
Ang nakumpiskang suspected shabu, gibana-banang mitimbang og 50-gramos. Kasong paglapas sa sections 5 ug 11 sa Article 2 sa Republic Act 9165 ang ipasaka batuk sa mga suspetsado.
