BUTUAN CITY – Pinakadaghan og natalang COVID-19 related deaths karong adlawa ang Caraga Region human nga mi-abot kini sa 15 kansa mao ang pinakataas sukad nagsugod ang pandemya.
Sa latest situational report sa Department of Health kon DOH-Caraga, gawas pa kini sa natalang 190 ka mga bag-ong kaso kondiin 185 niini ang naka-isolate ug 281 ang mga bag-ong nakarekober.
Sa mga bag-ong kaso, pinakadaghan ang natala sa Surigao del Sur nga mi-abot sa 55 ka mga kaso nga gisundan s 49 ka mga kaso ning siyudad sa Butuan. Gisundan kini sa 20 ka mga kaso sa Agusan del Norte dayon ang Tandag City nga duna’y 16; Dinagat Islands Province-15; Agusan del Sur-14; Surigao del Norte-10; lima sa Surigao City nga gisundan sa 4 ka mga kaso sa Bislig City ug duha ka mga kaso sa Bislig City.
Tungod niini, mi-abot na sa 19,966 ang cumulative COVID-19 cases ning rehiyon kondiin 3,596 ang naka-isolate samtang 15,771 ang hingpit nangnakarekober ug 599 na ang kinatibuk-ang patay.
