BUTUAN CITY – Padayon pa ang gihimong assessment sa mga opisyal sa Brgy. Maon ning siyudad sa Butuan aron makuha ang pangalan sa mga biktima sa sunog sa Purok Ube, kaganinang buntag, pila ka oras adiser mag-Pasko.
Sa eksklusibong interview sa Bombo Radyo Butuan, gipadayag ni Maon Brgy. Captain Bob Vicente nga sa iyang initial assessment, apil sa mga na-abo sa sunog ang pinuy-anan nila Gina Cicad nga duna 11 ka mga miyembro sa pamilya, Gerald Bongosia nga duna’y 2 ka miyembro lang ug Lourdes Augis nga duna’y 6 ka mga miyembro.j
Sa pagkakaron, andam na ang ilang evacuation center aron temporaryong masak-an sa mga nasunugan nga i-refer nila sa City Social Welfare and Development o CSWD aron mahatagan og ayuda.
Dugang pa ni Kapitan Vicente, duna’y usa ka indibidwal matud pa ang gidala sa ospital human nasunog ang buhok niini nga miresulta sa iyang pagka-upaw ugn gipakisayran pa nila ang identity niini ug ang extent sa iyang na-angkong injury.
