BUTUAN CITY – Dako ang pagpasalamat sa mga ginikanan ni anhing Rene Clert Baterbonia ngadto kang North Cotabato Governor Emmylou “Lala” Mendoza human sila gihatagan og ₱1 milyon nga ayudang pinansyal isip paghatag og katumanan sa usa sa mga pangandoy ni Rene dihang buhi pa siya — ang paghatag og haruhay nga kinabuhi alang sa iyang pamilya ug ang paghatag og mga kompyuter sa iyang kanhi tunghaan sa elementarya.
Gipadayag sa pamilya Baterbonia ilabina sa inahang si Rovelyn ang ilang dakong pasalamat sa suporta ug pagpakig-uban sa gobyerno sa probinsya ning panahon sa ilang pagbangotan.
Ang gidonar nga mga computer sets, gila-umang makatabang sa pagpalambo pa sa edukasyon ug digital literacy sa mga estudyante sa kanhi eskwelahan ni Bobet.
Sigon sa inahan, kini nga buhat nagpasabot nga bisan wala na si Rene, magpadayon gihapon ang iyang mga damgo ug ang iyang kontribusyon sa komunidad pinaagi sa inspirasyon nga iyang gibilin tungod sa mga tawo gikan sa bisan asang suok sa nasud nga personal nga miduaw sa away sa iyang anak, bitbit ang bisan unsa na lang isip paghatag og respeto ngadto sa namatay niyang anak.
