BUTUAN CITY- Halos usa ka bulan sukad sa magkasunod nga kusog nga mga linog nga miigo sa Venezuela, misaka na sa kapin 5,000 ka mga tawo ang namatay samtang labaw sa 16,000 ang nasamdan, sumala sa mga opisyal.
Gipadayag ni National Assembly Chief Jorge Rodriguez nga kadaghanan sa mga namatay gikan sa coastal state sa La Guaira, ug daghan na usab sa mga nasamdan ang nakagawas sa ospital.
Samtang nagpadayon ang rehabilitasyon, gikumpirma ni International Monetary Fund kon IMF Managing Director Kristalina Georgieva ang pagpagawas sa gatusan ka milyon ka dolyar nga pondo aron suportahan ang pagtukod pag-usab sa mga naguba nga imprastruktura ug pagtabang sa Venezuela nga ma-access ang emerhensiyang pondo gikan sa IMF.
Bisan pa niini, ang nasud nag-atubang gihapon og dakong hagit tungod kay dul-an 20,000 ka residente ang nawad-an sa ilang mga panimalay ug karon nagpuyo sa mga temporaryong evacuation camps nga kulang sa limpyo nga tubig ug maayong pasilidad sa sanitasyon.
