BUTUAN CITY – Gikatakdang mubiyahe padulong sa New Delhi, India si Pangulong Ferdinand Marcos Jr aron mutambong sa 18th Brics Summit nga himuon karong Septembre 12 hangtud 13, base na usab sa imbitasyon ni Indian Prime Minister Narendra Modi.
Sa pre-departure briefing sa Palasyo sa Malakanyang, gibutyag ni Department of Foreign Affairs kon DFA Assistant Secretary Analyn Ratunil nga ang pagtambong sa pangulo sa maong summit, kabahin sa iyang katungdanan chairman sa Association of Southeast Asian Nations kon ASEAN karong tuiga.
Atol sa summit, ipa-abot sa pangulo ang mga prayuridad sa rehiyon sa kahapsay ug kalinaw, people empowerment, ug kalambuan. Gidugang pa sa DFA nga ang pagtambong sa pangulo sa maong summit, usa ka strategic opportunity alang sa direktang pakig-alayon sa mga major emerging economies ug orepresenta ang mga panglantaw ug prayuridad sa ASEAN.
Gawas niini, duna usa’y buwag nga tigom si Pangulong Bongbong Marcos kang Prime Minister Modi aron hisgutan ang Philippines-India strategic partnership ug ang implementasyon sa lima ka tuig nga plan of action alang sa tuig 2025 hangtud 2029.
Apil usab sa iyang agenda ang pakigtagbo niya sa mga Indian business leaders aron i-update ang 5.8-bilyunes dolyares nga investment pledges gikan sa mga Indian companies nga gi-anunsyo ning mi-aging tuig.
