BUTUAN CITY- Gikasubo pag-ayo sa pamilya sa usa ka lola kansa kinsa nagtubok ug nakita na lamang sa umagad niining babaye sulod sa mismong balay sa biktima nga nagbitay na gamit ang pisi.
Naila ang biktimang si Magdalena Calumbay, 75-anyos, residente sa Purok 12, Brgy. Pagatpatan ning siyudad.
Sa ekskulisbong pakighinabi sa Bombo Radyo Butuan, gibutyag ni Ramon Calumbay – anak sa biktima, nga nadiskubrehan na lamang sa iyang asawa ang patay’ng lawas sa iyang inahan bandang alas-5:45 kaganinang buntag.
Sumala pa ni Ramon, wala sila’y nakitang rason sa paghikog niini tungod kay wala sila’y nasayrang duna kini gi-problema hinoon duna kini high-blood kaniadto apan duna matud pa kini maintenance ug usa lamang sa gireklamo niini ang dili makatulog.
Dugang pa ni Ramon, bag-o pa nakadawat og social pension ang iyang inahan rason ug wala sila’y pagduda nga gikawatan kini tungod kay wala’y nawala sulod sa panimalay gani anaa pa ang kwarta nga nadawat niini gikan sa social pension.
