BUTUAN CITY – Aminado si international law expert Atty. Arnedo Valera direkta gikan sa Estados Unidos nga maghatag og dakong epekto sa tibuok kalibutan kung ihinayon sa Russia ang gikabalak-ang pag-atake nila sa Ukraine.
Sa eksklusibong pakighinabi sa Bombo Radyo Butuan, gibutyag ni Atty. Valera nga halos usa ka oras nga nagka-istorya sila US President Joe Biden ug Ukrainian President Volodymyr Zelensky kondiin gipasalig ni Biden nga andam nilang ipa-ambit ang ilang intelligence monitoring aron masayran sa Ukraine kung unsa ka dako ang posibilidad nga atakihon sila sa Russia.
Sa maong panagtagbo, gisulti matud pa ni President Zelensky kang President Biden nga duna usab sila’y nakuhang intelligence report nga gusto nilang ma-verify sa Amerika bisan og duna’y deperensya sa level o degree sa intelligence monitoring sa matag-nasud.
Ang nag-una matud pang tinguha sa Russia sa hulgang pag-atake sa Ukraine mao ang pagpahunong na sa NATO sa pagpalapad sa ilang alyansa nga namugna niadtong 1949.
Gawas pa kini sa kagustuhan sa kagamhanan sa Moscow nga hunungon na ang pagpakusog sa pwersa sa NATO apil na ang ilang military positioning sa uban pang mga membros a NATO human ang 1997 kansa hugot nga gibabagan sa US ug NATO.
